اللى بالك بالك

- اللى بالك بالك انظر حضرتك يسار الكلام، سترى صورة والعياذ بالله «عفريت» أو «نيجاتيف» أو «سلبى»، هذه الصورة كانت فى يوم ما لوزير من الوزراء، أخذته العزة بالكرسى، وأخطأ، ثم أخطأ، ثم تمادى فى الخطأ، حتى أوقعه الله فى شر أعماله فحصل على جزائه، محدش يعمل زى «عمو».

- ولسه هتشوفوا مصر يحيى راشد، وزير السياحة، اعترف بأن الدخل السياحى انخفض بنسبة 60% فى الربع الأول، من 2016، ولكننا أصلا دولة قنوعة، لا نهتم بالسياحة، والفلوس هى آخر حاجة بنفكر فيها، حتى الأكل والشرب مش مهمين، المهم مصر، تحيا مصر.

-ألف مبروك البراءة المناضل الكبير الدكتور أحمد نظيف رئيس وزراء مصر الأسبق حصل بحمد الله على البراءة فى اتهامه بجرائم الكسب غير المشروع، بعد يومين من قرار جهاز الكسب غير المشروع بالسماح لابنه المتهم بنفس التهمة بالسفر، مبروك للعيلة كلها، ومش مهم مصر.