يا أهلا بالسرطان
عزيزى المواطن، من فضلك خلى عندك دم، وتبرع لمستشفيات السرطان المنتشرة فى مصر، لأن حكومتنا الرشيدة بعد أسبوع من الرفض، تراجعت وقبلت استيراد قمح يحتوى على طفيل «الأرجوت» المسبب للسرطان ليصنع منه خبز الغلابة، منهم لله.
مصر الكبيرة
الحمد لله، عندنا كل حاجة، عندنا حيتان وقروش فى مارينا والساحل والسخنة بيبلبطوا فى وسط المصيفين عادى جدا، وعندنا نعام فى شوارع فيصل ماشى فى وسط التكاتك والسكان، وعندنا تماسيح فى النيل فى المعادى، وعندنا كمان وزير خارجية فى إسرائيل، الحمد لله.
هى جت عليك؟!
فيما يشبه الفضيحة، تواردت الأخبار أن نادر بكار، القيادى السلفى التقى تسيبى ليفنى، وزيرة خارجية إسرائيل السابقة، بلقاء سرى بناء على طلبه لمدة 40 دقيقة، فى وصلة استربتيز، خلع فيها الشيخ الحياء، ليتحدث عن قوة النور لتسويق حزب الشيوخ، بس بسيطة، هى جت عليك، الاستربتيز بقى العادى.
