شباب طايش ، كلمه بقالنا كتير بنسمعها عن كل شب يعمل حاجه غلط ، لكن الشاب يغلط في ابوه ! صعبة شوية دي ، بس للاسف العادات والقيم والتقاليد ماتت خلاص ، احنا كصعايدة علمونا وربونا اننا نحترم الكبير مهما كان درجة علامنا عنه ، بس مجبر احترمه علشان الى زرعوه فينا عمر محد هيتعلمه لا في كتب ولا في تاريخ .
ببساطة كده اتنين نزلو عملوا حفلة علي شوية عساكر غلابة اي حاجه بتفرحهم ، عمرهم مهيفتكرو انك بتعمل عليهم حفلة وتوصلها لاعظم درجات السخافة دي، وعلي فكرة قبل متشتم وتغلط في المعارض ليهم تعالي كده وفكر مع نفسك وقول " لو انا ابن عمى متعلمش ولا ابن خالي ولا قريبي ولا جارى ودخل امن مركزى في الشرطة ، هل هتقبل عليه كده "، القصه في ان ده عسكرى غلبان بيقوله اضرب يضرب احرق يحرق موت بيموت ، كل همه ان يخلص جيشة ويطلع يشوف اكل عيشة ، مفيش في دماغه كمية الشر الي انتا متخيلها منه دي نهائي ، والي دخل الجيش عارف يعني ايه الامر والطاعه كويس جدا واي حد دخل الجيش فعلا هيعرف ويفهم وعمرة مهيفكر يهين حد بالطريقة دي .
شادي مراسل لبرنامج ساخر ، وشخص محترم وفعلا قدر في وقت صغير يصنع بنفسه نجم كبير الناس بتفرح لما تشوفة منزل فيديو جديد ، لاكن بالي عمله ده سواء كان معاه مؤيد ومعارض وغيره وغيره ، ده غير الاعلامين الي غلطو وسبو اهله بكل الطرق الي ممكن تتخيلها ، هل انتا راضي عن الي انتا عملته ده ؟ انتا متخيل ان البطولة انك تستخف بعقول الناس ؟ لو اخوك او اي حد قريبك حصله كده هتعمل ايه معاه ؟ ، ياشادي انتا مصر انك برضو تعيش بطل بالفيديو ده وده للاسف مش صح ومش عاوز تعتزر كمان ، لا ياعم شادي انتا الي حقك علينا واعتزارك مش مقبول لانك كسرت نفس بنأدم غلبان كل همه يخلص جيش ويرجع يشوف شغل يكفي منه بيته ، وانتا الله ينور عليك ياشادى عملت الصح وراضيت نفسك وكسرت نفس الغلبان .
أحمد مالك بقي ، جاب من الاخر واعتزر ولخص الموضوع في كلمتين وريح نفسه لانه شب زيه زيك بس لما فكر بدماغه وحسبها صح شاف انها اهانه فعلا في حق شوية ناس ملهاش اي زنب غير انهم دخلو يأدو خدمة لبلدهم الي لو كنت دخلتها عمرك مكنت هتعمل كده ، وكمان وفر على اهله انهم يطلعو ويتبرو منه ويحرجهم ويقلل منهم زي حضرتك ، ياعم شادي بوس نفسك مليون مره في اليوم انك مش صعيدى علشان لو كنت فعلا صعيدى كانو حرقوك والله .
كلامي ليس له علاقه بتصرفات اشخاص ولا تعليق عنهم سواء من الداخليه او من غيرهم كله القصه ان الموضوع صعب علي بنأدم وربنا قال "ولقد كرمنا بنأدم" انتا مين علشان تهينه بعد مربك كرمه .