إحنا منهوبين، ومسروقين، ومتاكل على قفانا عيش بالهبل، وكل يوم أو يومين يسقط فاسد جديد، وبعشرات ومئات الملايين، أرقام تخض، وشكل الفلوس وهى مرصوصة ومتستفة بعد ضبطها يحسسك إننا غلابة قوى، ومضحوك علينا فى بلدنا.
الفكرة إن الفاسدين دول مستمرين فى فسادهم من سنين طويلة، عدى عليهم أنظمة حكم مختلفة، وثورات، والعالم نفسه اتغير، وهم محافظين على فسادهم، وكان ممكن يستمروا للأبد، لولا الطمع، أو الغباء، وحظهم الوحش اللى وقعهم فى واحد عنده ضمير.
لا تسأل عن الفاسدين الذين سقطوا، ولكن اسأل عن الفاسدين الذين لا يسقطون.. لا تسأل عن الملايين المظبوطة، ولكن اسأل عن المليارات التى لم تضبط.. إحنا غلابة، ومضحوك علينا، وحجم الفساد لا يمكن تصوره، لدرجة إن البعض يخشى النخربة خلف الفساد، حتى لا تسقط الدولة كلها على رؤوسنا.
إحنا منهوبين، ومسروقين، ومتاكل على قفانا عيش، بس فى ناس بتشتغل وبتمسك حتى لو %1 كتر خيرهم.