تداول عدد من مستخدمى مواقع التواصل الإجتماعى "فيس بوك" فيديو من حلقة سابقة للشيخ مبروك عطية فى برنامجه "الموعظة الحسنة"، وهو يحث امرأة على دعوة زوجا للتوبة، حتى وإن خانها مع سيدة أخرى.
جاء ذلك ردًا على سؤال أم دينا خلال مداخلة هاتفية فى برنامج الشيخ مبروك عطية "الموعظة الحسنة"، حيث قالت المتصلة أن زوجها أغلق باب الشقة، وكانت معه الخادمة بالداخل، ورفض فتح الباب لها.
ورد عليها الشيخ مبروك قائلا"يعنى أنت دلوقتى عايزة تطّلقى يا أختى.. السوق مش حلو، وبعدين لو سيبتى ده هتتجوزى عمر بن الخطاب!!
وتابع قائلا:" يا هبله ده أهبل منك علشان يقولك كان فيه حد معايا".
وأضاف الشيخ مبروك عطية "لو دخلتى ولقتيهم فى لحاف واحد، قوليله قوم يا أخويا استحمى، لو بتحبى سيدنا محمد قوليله ربنا يتوب عليك يا بن الناس، واحمدى ربنا إنه عافاكى ".