حصل موقع "انفراد " على صورة من أقوال هيثم أحمد خلف ضابط بمديرية أمن الجيزة ، والمتهم بقتل شاب بمنطقة دار السلام ، إثر مشاجرة عنيفة بالزجاج والطوب تطورت إلى إطلاق الأعيرة النارية التى سقط على إثارها المجنى عليه غارقا فى دمائه.
س ما قولك فيما هو منسوب إليك من اتهام من أنك متهم بقتل المجنى عليه هشام حسن صلاح " تاجر"، عمدا مع سبق الإصرار والترصد وكان ذلك بإن بيت النية والعزم على قتله وأعددت لذلك سلاحا ناريا مشحون وتربصت به فى المكان الذى أتيت سلفا مروره فيه حتى أطلقت صوبه عدة أعيرة نارية من السلاح النارى قاصدا من ذلك قتله ؟
ج محصلش
س ما قولك فيما هو منسوب إليك من اتهام من أنك متهم بالشروع فى قتل كل من صابر أحمد ،وأشرف هشام ،ومحمد أحمد ، عمدا مع سبق الإصرار والترصد ؟
ج محصلش
س ما قولك فيما هو منسوب إليك من أنك متهم باحراز سلاح نارى بشحن بغير ترخيص؟
ج محصلش
س ما قولك فيما هو منسوب إليك من اتهام من أنك متهم باستعراض القوة والتلويح بالعنف ضد المتهمين أطراف الطرف الثانى ، وكان شأن ذلك إلقاء الرعب فى أنفسهم وتكدير أمنهم وتعريض حياتهم للخطر ؟
ج محصلش
ما قولك فيما هو منسوب إليك من اتهام من أنك متهم باحراز أدوات مما تستخدم فى الاعتداء على الأشخاص بغير ترخيص ؟
ج محصلش
س ما قولك فيما هو منسوب إليك من اتهام من أنك متهم بإتلاف السيارة رقم "س.و.ن" 387 ؟
ج محصلش
س ما الذى حدث أولا وما هى ظروف ضبطك وإحضارك ؟
ج اللى حصل إن أنا شغال معاون مباحث قسم شرطة الجيزة ،وأنه فى يوم 7 يونيو 2016،كنت مروح البيت فى دار السلام ووصلت عند البيت قبل أذان المغرب بحوالى عشر دقائق ،ووقفت بالعربية قدام محل ألبان فى العمارة اللى قبل عمارتى بنمرتين تباع أبو إسماعيل ، وأنا جوه العربية علشان أسأله عن سمنة بلدى لقيت ورايا عربية بتذمر كتير روحت طلعت شويه إلى الأمام بغرض أن اوسع له الطريق ، ، فوجئت بإن السيارة جت وقفت بجانبى من ناحية الشمال مباشرة واللى عرفت بعدها إن اسم سائقها شريف أشرف كامل ، قعد يشتمنى بأمى روحت أنا رديت الشتيمة راح طالع من العربية بتاعته وقطع علىّ الطريق .
تابع : ولقيت شريف ده جسمه جامد ومعه واحد تانى وأنا خفت على شكلى فى المنطقة ومنعا للمشاكل ركبت العربية وقفلت الأبواب من جوه لقيت شريف جه عليا وحاول يفتح الباب ماعرفش واشتغل يضرب برجليه فى الباب ماعرفش يفتحه راح جاب حجر كبير بتاع الرصيف ، كانت مكسورة مسكها بأيده وطرق بيها على فتحه سقف السيارة بتاعتى وبعدين ضرب بها على زجاج الأمامى وأنا خفت على نفسى وحاولت اطلع بالعربية ،وضربنى بالبونية فى عينى الشمال ، خفت إنه يضربنى بالحجر روحت طلعت سلاحى الميرى من جمبى وشديت الأجزاء فى وشه فهو خاف منى وجرى روحت طلعت من العربية وجريت وراه وضربت 4 طلقات فى الهواء وشريف دخل محل حلاقة فى نفس عمارة محل الألبان وقفل على نفسه الباب من جوه ،فوجدت المدعو هندى مصطفى وشهرته سعيد هنيدى جاللى وسألنى على اللى حصل وسأل ناس قالوله إن المشكلة اللى حصلت مع شريف أنا مكنتش اعرف أسمه فقالى أنا اعرف أبوه اتكلم معاه اتكلم معاه ونخلص الموضوع وأنا قولت له خلاص تمام وفرغت الطلقة اللى كنت سحبتها ولقيت قرايب شريف جايين راح شريف طلع من محل الحلاقة وجرى عليهم وبعدين كمل تكسير فى العربية ، وبدأ اقاربهم فى الاعتداء عليا إلا إن هندى مصطفى وقف أمامى وقال لهم محدش ييجى ناحيته إلا إنهم لم يسمعوا الكلام .
