إنتشرت عبر صفحات السوشيال ميديا حملة بعنوان " ارميها " تهدف إلى الإقلاع عن التدخين، حيث تقوم بإيضاح أضراره وسلبياته على المجتمع، ويقوم المقلعون عنه بتصوير لافتات توضح المدة الزمنية لإقلاعهم عنه .
ويقول الدكتور وائل صفوت مؤسس الحملة أنهم يكافحون التدخين، بأساليب مختلفة عن سابقه ، وبدأت الحملة من 31 مايو هذا العام ، من السوشيال ميديا واستجاب لها عدد كبير من الشخصيات، مؤكدا أن هناك العديد من الطرق للإقلاع عن التدخين ، وقد وصل حتى الآن للحملة 2 مليون مشارك ومتفاعل، مشيرا أن الحملة تهدف إلى الوصول لأكبر عدد من المدخنين وخاصة فئات الشباب قائلا ، أن أسباب المرض تكمن فى الوراثة أولا .
فيما قال أحد المواطنين المقلعين عن التدخين، أنه يمنع أطفاله من مشاهدة المسلسلات التى تحوى على مشاهد تدخين .
فيما تابعت أخرى " فى البداية السجاير كانت بالنسبة لى طريقة بطلع فيها خنقتى من أى حاجة تضايقني، و كنت بقول لنفسي انه لما أحب هبطل بسهولة و أنها مش هتسيطر عليا، بس واحدة واحدة السجاير بقت حاجة أساسية في حياتي بشربها و أنا مبسوطة، زعلانة، قرفانة، جعانة، عايزة أنام.. في أي وقت، لحد ما في يوم كنت بتمشى و بتحرك و لقيت نفسي بنهج، ساعتها قررت إني أبطل عشان مش هسمح للسجاير إنها تعجزنى بدرى و تخلينى أخسر عمرى" .
بيقولوا إنك لو شربت سجاير أو مشربتش كدا كدا هتموت، بس طالما هنموت يبقي على الأقل نقدّر الوقت اللى بنقضيه واحنا عايشين، عشان السجاير زى أى حاجة بتبدأ حلوة، بعدين بتخليك تخسر حياتك واحدة واحدة و تخليك تعجز وتضعف وأنت لسه بتبدأ حياتك " .
وكانت أبرز اللافتات التي تم نشرها ( 365 يوم بدون تدخين #إرميها ) ( 26 يوم بدون تدخين ) ( 700 يوم بدون تدخين ) ( 800 يوم بدون تدخين )
( 2000 يوم بدون تدخين ) (6750 يوم بدون تدخين ) .
فيما كانت أبرز التعليقات للمواطنين المشاركين بالحملة (دخّنت سنة ونص
وبطلت من سنة و نص ) .
وقال آخر "والدى كانت حصلتله مشاكل بسبب السجاير فقررت إنى مش هينفع أشرب سجاير تانى وأخدت القرار .. وبطّلت " .
متستنّاش لحد ما تشوف الناس اللي بتحبها بتروح قدام عينيك بسبب السجاير أو حتي التدخين السلبي حافظ على صحتك و صحتهم ) .
فيما أضاف أخرون عن تجربتهم مع السجائر ( انا بفضل الله عليا ورحمته بطلتها يوم ٤/٤/٢٠١٦ بعد تدخين دام لعشر سنوات كنت فى الأول بجرب زى أى حد لغاية ما ادمنتها طبعا ) .
سيجارة بعد الاكل وسيجارة اول لما اصحي وقبل ما انام وعند الغضب وعند الفراغ وأثناء مشاهدة المباريات وأنا زملكاوي أصلاً فكنت بشرب علبتين وتلاتة عشان حرقة الدم ، وكان في أوقات من كتر إدمانها كنت بشرب وأنا بلعب كورة، أسيب الماتش واشرب سجارة ، أو وأنا بجرى عادى خلال العشر سنين دول بطلتها مرة واحدة ٣ شهور ورجعتلها يوم الوقفة اللى فاتت بتاعت عيد الفطر وطبعاً الشباب فاهمة يعنى أيه يوم الوقفة.
بس لغاية لما ربنا كرمنى بعمرة فى شهر ٤ اللى فات وهناك قررت إنى أبطلهاً كسرت العلبة والولاعة ورميتهم فى الحمام اعزكم الله وهو ده مكانهم الطبيعى .
ربنا يتوب على الكل منها فإنها الهلاك المبين
ويثبت الناس اللي بطلتها ومترجعش ليها تانى ابداً )
وقال اخرون (بعدك عن السيجارة قرار ..
لو قدرت تبعد عنها .. ابعتلنا عشان ننشر تجربتك وساعد غيرك انه يبعد عنها ..
لو تعرف حد قدر يبعد عنها .. خليه يبعتلنا ويساعد اللي بيدخن ياخد القرار )
